නිවැරදි ධර්මය සැමදා විද්‍යමාන නොවේ..... අධර්මයෙන් එය වැසීයමින් පවතී......
ගෞතම බුදුරජාණන් වහන්සේගේ
තෙමඟුල සිහි කෙරෙමි.
උතුම් ප්‍රතිපත්ති ප්‍රතිපදාව පුරන්නා කිසි විටෙක මස්‌ මාංශ නමැති මර සේනාව පසුපස හඹා නොයයි. මිනිසුන් මෘත ශරීර අනුභව කරන්නේ හුදෙක්‌ කුසගින්නට නොවේ. නිරන්තරයෙන් පසුපසඑන තම සසර පව්කාර පුරුදු අත්හැර ගැනුමට සිත එකඟ කර ගත නොහැකි නිසා ය. කුසගින්නට නිර්මාංශ ආහාර කොතෙකුත් තිබුණද, මරා හෝ මරවා ආහාරයට ගන්නා සතුන් ද බොහෝ විට යෑපෙන්නේ නිර්මාංශ ආහාරවලින් බව ද විමසුමට ලක්‌කිරීමට ඔබට කාලය එළඹ ඇත.
තමන් තමන්ගේ ම ජීවිත ගැන සිතනවා නම් තමන් තවෙකකු අතින් හිරිහැරයට ලක්‌වනවාට අකැමැත්තේ නම් තම ජීවිතයේ ඇති වටිනාකම මොනවට පෙනී යනවා නම් සියලු ජීවීන්ගේ ජීවිත ගැන ද එම තක්‌සේරුවෙන්ම සිතන්නට අනිවාර්යයෙන් ම පුරුදු පුහුණු වන්න. එවිට ඔබ උතුම් ශ්‍රී මුඛ කරණීය මෙත්ත සූත්‍රය පරිදිම මෛත්‍රී භාවනාව වැඩීමට සුදුස්‌සකු බවට පත්වනු ඇත. එවිට ඔබ නොවෙනස්‌ මධ්‍යස්‌ථ මතවාදියකු වනු ඇත. මැද පිළිවෙත හෙවත් ආර්ය අෂ්ඨාංගික මාර්ගයේ ගමන් කරන්නකු බවට පත්වනු ඇත.
අනුන්ගේ දෙය අනුන්ගේම ය. එය තමන් සතුකර ගැනීමට නම් එය අයිතිකරුගේ පූර්ණ කැමැත්ත මත පමණක් මුදලකට හෝ යම් දෙයකට හුවමාරු වශයෙන් හෝ වෙනත් අයුරකින් ලබාගත් දෙයක්‌ විය යුතුය. එය ලබාගත යුත්තේ ද ඉතා සාධාරණ අයුරිනි. දානය යනුවෙන් අදහස්‌ කරන්නේත් එයමය. බලයෙන් උදුරගෙන දෙන දැ දානයක්‌ නොව සොරබඩු ලබාදීමකි. දැන් ඔබ මෙලෙස ද සිතන්න. අනුභවය සඳහා ඔබ සත්ත්ව මාංශ ලබන්නේ, අකැමැත්තෙන් වධයෙන් පැහැර ගත් සොරාගත් ආදරයෙන් ධෛර්යයෙන් පෝෂණය කරගත් අන්සතු වටිනා දෙයක්‌ ය. එය අමිල වන්නේ පැහැරගත් පසු නැවත ආපසු ලබාදීමට නොහැකි නිසා ය. දෙවැනි සිල්පදය එකහෙළා සිඳී බිඳී යයි. එවිට ඔබ දුසීලෙකි. සිල් සුවඳ ඔබ ළඟ නැත. ඔබ අශීලාචාරය. ශීලයේ චරන්නකු නොවේ.
ස්‌වභාවයෙන් හැරගිය සත්ත්ව මළ සිරුරක්‌ අනුභවයට තබා දැකීමටත් ඔබ අප්‍රිය කරයි. ඔබ භක්‍ෂණය කරන්නේ නොකළ වරදකට මරණ දඬුවම ලබාගත් අසරණ සතකුගේ පැහැරගත් මෘත ශරීරයකි. සිතීමට සිතක්‌ අප හට මෙන්ම දෙතිස්‌ කුණුප කොටස්‌ සමගින් නව දොරින් ජරාව වැගිරෙන ශරීරය ආශ්‍රිතව ඔබටද නොඅඩුව පිහිටා ඇත.
අන්ධ භක්‌තියෙන් අන්ධානුකරණයෙන් කොයිම ආගමක්‌ හෝ පසුපස හඹායැම විසිඑක්‌වැනි සියවසේ බුද්ධිමතුන්ගේ දර්ශනය නොවේ. නූතන කලියුගයේ හෙවත් මෙම තාක්‍ෂණ යුගයේ බුද්ධිමතුන් බුද්ධියට ඉඩදෙනු විනා බුද්ධිය වසා ගනිමින් පැරැන්නන්ගේ අනුවණ හණමිටි කර ගසාගෙන යන මං සොයන්නේ නැත.
ඕනෑම ආගමක තිබිය යුත්තේ දර්ශනයකි. එව· බලව· විචක්‍ෂණව, තාර්කිකව විශ්ලේෂණාත්මකව බලව· තමාට සාධාරණව හැඟීයන පරිද්දෙන් කටයුතු කරව. ඕනෑම ආගමක මූලික සිද්ධාන්තය විය යුත්තේ එයයි. එය අනිවාර්යයෙන් ම තමාට උරුම විය යුතු ස්‌වාධීනත්වයකි. නැතහොත් ඔබගේ බුද්ධිය වල්වැදී ඔබ පරාධීනයකු බවට පත්වන්නේය. එසේ නැතිව අසවලා පරීක්‍ෂණයකට ලක්‌ නොකරව තොපටය දඬුවම් ලැබේ යෑයි භය කිරීම ආගම් ශාස්‌තෘවරුන් සත්තකින් ම නොකළහ.
එවැනි දැ ග්‍රන්ථාරූඪ කළේ පසු කලකදී නුවණැතියන් බිහි වී ප්‍රතිවිරුද්ධ තර්ක විතර්ක ගෙන හැර පා තමුන්ගේ බොළඳ තර්ක බිඳහෙළාවි යෑයි උපන් බියෙන් තැතිගත් බොළඳ අනුවණයන් ය. ඔවුනට වැරදුණු තැන් ඔවුන්ම නොදන්නා නිසා සර්වබලධාරියකු පිළිබඳ සැකයක්‌ ඇති වුවහොත් පරීක්‍ෂණයට ලක්‌ කිරීම මහා පාපයක්‌ බව ලියා තැබූහ. සම්බුදු රදුන්ගේ මහා දර්ශනයට පරස්‌පර දැ එක්‌ වී ඇත්තේ ද එවැනි දැ විවේචනය මහා පාපයක්‌ බව හඟවමිනි. එහෙත් බුදුන් වහන්සේගේ 'ඒහිපස්‌සිකෝ ඕපනයිකෝ' ධර්මයේ එසේ නැත.
කිසිදු ආගම් ශාස්‌තෘවරයන් වහන්සේ නමක්‌ කිසිදු විටෙකදී අහස පොලොව වන් අසාධාරණ ගෝත්‍රික ප්‍රකාශ නිකුත් නොකරන්නාහ. උන්වහන්සේගේ නිබඳ දර්ශනය වූයේ ද අහිංසාව සහ කරුණා මෛත්‍රියය.
කරුණාව මෛත්‍රිය සමඟ හිංසනය වෛරය අත්වැල් බැඳ නොගනී. පරස්‌පර විකාර ප්‍රකාශ වරින් වර ග්‍රන්ථාරූඪ කරන්නෝ ද, ප්‍රකාශ කරන්නෝ ද සාධාරණ තර්කවලට පිළිතුරු දීගත නොහී තුෂ්නිම්භූත වන්නෝ ද තමන්ගේ උදර පෝෂණය ගැන මිස අනාත්මවාදීව සිහිබුද්ධියෙන් කටයුතු නොකරන්නෝ ය. ආගම් නිර්මාතෘ යතිවරුන් සත්‍ය වසන් කරන අය යෑයි ඔබට මොහොතකටවත් අනුමාන කළ හැකිද? බුද්ධි වර්ධනයට කැප වූ සිතීමට සිත් පහළ වන විසිඑක්‌වැනි සියවසයි මේ.
2012 වර්ෂයේදී ලෝක විනාශයක්‌ සිදු නොවන බවත්, සත්‍ය සම්බුද්ධ දේශනා අනුව එවැන්නක්‌ සිදුවන්නේ කල්පයේ අවසාන බුදුන් වහන්සේ වන මෛත්‍රී බුදුන් වහන්සේගේ බුද්ධාන්තරයෙන් පසුව බවත්, එවැනි බොළඳ ප්‍රකාශ අනුන් රවටන වටිනාකමක්‌ නැති දේ බවත් දැනට වසර අටකට පෙර අප විසින් අවස්‌ථා ගණනාවකදී මාධ්‍ය මගින් ප්‍රසිද්ධියේ ප්‍රකාශ කර ඇත. එසේ තිබියදීත් අවාසනාවකට මෙන් අප රටේ එම වකවානුවේ වඩාත්ම බියට පත් වූයේ අපගේම බෞද්ධ පින්වතුන් ය.
විශේෂයෙන් සඳහන් කළ යුත්තේ මස්‌ මාංශ වළඳමින් පිං යෑයි දෙයක්‌ අනුමෝදන් කරන ඇත්තන් ප්‍රථම, දෙවැනි සහ තෙවැනි වශයෙන් සිහිපත් කරමින් පිං අනුමෝදන් විය යුතු කොට්‌ඨාශ තුනක්‌ නිරන්තරයෙන් ම පූර්ණ වශයෙන් අමතක කර තිබීම අපට ද කිසිසේත් තේරුම් කර ගැන්මට අපහසු උභතෝකෝටික වූ ප්‍රශ්නයකි.
දාන වේලකට මස්‌ මාංශ ලැබෙන්නේ මාංශ වෙළෙන්දන් සහ මාංශ සඳහා මුදල් ආයෝජනය කරන මුදලාලිවරුන්ගේ පිහිටෙන් ය. ඒ නිසා දාන අවසානයේ පිං පෙත් පමුණුවන අවස්‌ථාවේදී එම අය අමතක කර දැමීම බුදුපියාණන් වහන්සේ විසින් ප්‍රගුණ කිරීමට නිතර මතක්‌ කර දුන් කළගුණ සැලකීම අමතක කර දැමීමක්‌ නොවන්නේද? ඔවුන් නොකළ යුතු වෙළෙදාමක යෙදෙන පව්කාරයන් යෑයි කොන් කිරීම කොතරම් දුරට ගැලපේද? ප්‍රශ්නයකි.
මීළඟට පිං පැමිණවිය යුත්තේ මාංශ දාන ලබන අය විසින් තුච්ඡත්වයෙන් සලකා කොන් කරන අපායගාමීන් යෑයි හංවඩු ගසන, එහෙත් දානවලට මාංශ ලබාදීමට ඉමහත් වෙහෙසක්‌ දරා අනත්ත පව් රැස්‌කර ගනිමින් සතුන් මැරූ ඝාතකයා ය. මස්‌ වෙළෙන්දා සිටියද ඔහුට ඝාතකයන් නොමැති නම් වෙළෙදාමට මස්‌ ලැබෙන්නේ නැත. එමගින් දාන වලට මාංශ ලැබෙන්නේ ද නැත. එම නිසා පිං වලට ප්‍රධාන කොටස්‌කරුවකු බවට පත්විය යුත්තේ මස්‌ මරන්නා ය. මස්‌ මරන්නා අමතක කරමින් මාංශ මිලට ගෙන ආ සහ ප්‍රනීතව පිසූ අයට , බෙදූ අයට සහ මුදල් වැය කළ අයට සහ මළගිය ප්‍රාණකරුට පමණක් පිංදීම බලවත් දුර්ජන ලක්‍ෂණයකි. මරණකරුට දිව්‍යලෝකගත වීමට සත්ත්ව ඝාතකයා තොතරම් පිහිට වේද?
ඔහුට දිව්‍යලෝක ගතවීමට පිං නොදෙන්නේ මොනතරම් ගුණමකුකමකටද? සුදනනි, සිතීමට සිතක්‌ ඔබට ඇත. අවසාන වශයෙන්, මෙම භවයේදී නොකළ වරදකට මරණ දඬුවම විඳි රසමසවුලෙන් සප්පායම් වී ආමාශගත කරපු අසරණ සත්ත්ව රෑනට අඩු වශයෙන් වැළඳීමෙන් පසුව හෝ පිං පෙත් අනුමෝදන් කිරීමට අමතක කරන්නේ මරණ වේදනාවට අමතරව ඔවුන්ගේ කුමන පාපයකටද? අවාසනාවකට බඩදරු පැටවුන්ද, සමඟ දැඩි මරණ වේදනාව පැය ගණන් විඳ තවත් කුසක්‌ තුළ නිසලව සුවපත් වූ එම අසරණයන්ට දිව්‍ය සැපත ලැබීමට පිං ටිකක්‌ අනුමෝදන් නොකරන්නේ අසරණ සරණ වීම අමතක වෙලාද සුදනනි,· කළගුණ පසුපස එල වූ නිසාද සුදනනි·
සම්බුදු රදුන් දෙවැනි සතියේ පෑ අනිsමිස ලෝචන පූජාව අමතක වීමක්‌ ද සුපිංවත් සුදනනි· මින් ඉදිරියේදීවත් දානයට පසු පිංපෙතේ අනුමෝදන් කරද්දී කරුණාකර මෙම තුන්කට්‌ටුව අමතක නොකරන්න. සැදැහැවතුනි, ඔබට අනේකවාරයක්‌ පිං සිදුවේවි.
පූජ්‍යපාද ආචාර්ය බුද්ධගයාවේ සිසිලචන්ද්‍ර මෛත්‍රිය හිමි
